La Belgique dans les centuries de Nostradamus.

CENTURIE I 1.52 Les deux malins de Scorpion conjoints, Le grand seigneur meurtri dedans sa salle: Peste à l’eglise par le nouveau roy joint, L’Europe basse & Septentrionale. 1.80 De la sixiesme claire splendeur celeste Viendra tonner si fort en la Bourgoigne: Puis naistra monstre de tres hideuse beste. Mars,Apvril,May,Juing grand charpin & rongne. 1.89 Touts ceux de Ilerde seront dedans Mosselle, Metans à mort tous ceux de Loyre & Seine: Secours marin viendra pres d’haulte velle Quand Hespagnols ouvrira toute veine. CENTURIE II 2.16 Naples,Palerme,Secille,Syracuses Nouveaux tyrans,fulgures feuz celestes: Force de Londres,Gand,Brucelles,& Suses Grand hecatombe,triumphe,faire festes. 2.17 Le camp du temple de la vierge vestale, Non esloigné d’Ethne & monts Pyrenées: Le grand conduict est caché dens la male North.getés fleuves & vignes mastinées. 2.34 L’ire insensée du combat furieux Fera à table par freres le fer luire Les despartir mort,blessé,curieux: Le fier duelle viendra en France nuire. 2.39 Un an devant le conflit Italique, Germain,Gaulois,Hespagnols pour le fort: Cherra l’escolle maison de republique, Ou,hors mis peu,seront suffoqués morts. 2.50 Belgique Quand ceux d'Ainault, de Gand & de Brucelles Verront à Langres le Siege devant mis Derrier leurs flancz seront guerres crueles, La plaie antique fera pis qu'ennemis. 2.67 Le blonde au nez forche viendra commetre Par le duelle & chassera dehors: Les exiles dedans fera remetre Aux lieux marins commetant les plus forts. 2.76 Foudre en Bourgoigne fera cas portenteux, Que par engin ne pourroit faire De leur senat sacriste fait boiteux Fera savoir aux ennemis l’affaire 2.99 Terroir Romain qu’interpretoit augure, Par gent Gauloyse sera par trop vexée: Mais nation Celtique craindra l’heure, Boreas,classe trop loing l’avoir poussée. CENTURIE III 3.07 Les fugitifs,feu du ciel sus les piques: Conflit prochain des corbeaux s’esbatans, De terre on crie aide secour celtiques, Quand pres des murs seront les combatans 3.08 Les Cimbres ioints avecques leurs voisins, Depopuler viendront presque l’Hespaigne: Gents amassés Guienne & Limosins Seront en ligue,& leur feront compaignie. 3.09 Bourdeaux,Rouen & la Rochele ioints Tiendront au tour la grand mer oceane: Anglois,Bretons & les Flamans conjoints Les chasseront iusques au-pres de Roane 3.18 Apres la pluie laict assés longuete, En plusieurs lieux de Reins le ciel touché Helasquel meurtre de seng pres d’eux s’apreste. Peres & filz rois n’oseront aprocher. 3.27 Prince Libyque puissant en Occident Francois d’Arabe viendra tant enflammer: Scavans aux letres fera condescendent, La langue Arabe en Francois translater. 3.46 Le ciel (de Plancus la cité) nous presaige Par clairs insignes & par estoiles fixes, Que de son change subit s’aproche l’aage, Ne pour son bien, ne pour ses malefices. 3.53 Quand le plus grand emportera le pris De Nuremberg d’Auspurg,& ceux de Basle Par Aggripine chef Francqfort repris Transverseront par Flamans iusques en Gale. 3.57 Sept foys changer verrés gent Britannique Taintz en sang en deux cent nonante an: Franche non point par apui Germanique. Aries doute son pole Bastarnan. 3.67 Une nouvele secte de Philosophes Mesprisant mort,or,honneurs & richesses, Des monts Germains ne seront limitrophes: A les ensuivre auront apui & presses. 3.76 En Germanie naistront diverses sectes, S’approchans fort de l’heureux paganisme, Le cueur captif & petites receptes, Feront retour à payer le vray disme. CENTURIE IV 4.3 D'Arras & Bourges, de Brodes grans enseignes Un plus grand nombre de Gascons batre à pied, Ceulx long du Rosne saigneront les Espaignes : Proche du mont ou Sagonte s'assied. 4.19 Devant Rouan d’Insubres mis le siege, Par terre & mer enfermés les passages. D’Haynault,& Flandres,de Gand & ceux de Liege Par dons lænees raviront les rivages. 4.46 Bien defendu le faict par excelence, Garde toy Tours de ta proche ruine. Londres & Nantes par Reims fera defense Ne passés outre au temps de la bruine. 4.79 Sang Royal fuis, Monhuit, Mas, Esguillon, Remplis seront de Bourdelois les Landes, Navarre, Bygorre, poinctes & eguillons, Profonds de faim vorer de Liege glandes. 4.81 Pont on fera promptement de nacelles, Passer l’armee du grand Prince Belgique: Dans profondez & non loing de Brucelles, Outre passez, detranchez sept à picque. 4.89 Trente de Londres secret conjureront, Contre leur Roy, sur le pont l’entreprise: Luy, satallites la mort degousteront, Un Roy esleu blonde, natif de Frize. CENTURIE V 5.13 Par grand fureur le Roy Romain Belgique Vexer voudra par phalange barbare: Fureur grinssent, chassera gent Lybique Depuis Pannons iusques Hercules la hare. 5.14 Saturne & Mars en Leo Espaigne captiue, Par chef Lybique au conflict attrapé, Proche de Malthe, Herodde prinse viue, Et Romain sceptre sera par Coq frappé. 5.15 En navigant captif prins grand Pontife, Grans aprets faillir les clercs tumultuez: Second esleu absent son bien debife, Son favory bastard à mort tué. 5.43 La grand’ ruine des sacrez ne s’eslongne, Provence, Naples, Sicille, Seez & Ponce, En Germanie, au Rhin & la Cologne, vexez à mort par tous ceux de Magonce. 5.49 Nul de l’Espagne mais de l’antique France Ne sera esleu pour le tremblant nacelle: A l’ennemy sera faicte fiance, Qui dans son regne sera peste cruelle. 5.74 De sang Troyen naistra cœur Germanique Qui deviendra en si haute puissance: Hors chassera gent estrange Arabique, Tournant l’Eglise en pristine preeminence. 5.94 Translatera en la grand Germanie, Brabant & Flandres, Gand, Bruges, & Bolongne: La trefve fainte le grand duc d’Armenie, Assaillira Vienne & la Cologne. CENTURIE VI 6.12 Dresser copies pour monter à l’empire, Du Vatican le sang Royal tiendra: Flamans, Anglois, Espagne avec Aspire, Contre l’Italie & France contiendra. 6.30 Par l'apparence de faincte saincteté, Sera trahy aux ennemis le Siege. Nuict qu'on cuidoit dormir en seureté, Pres de Brabant marcheront ceux de Liege. 6.47 Entre deux monts les deux grands assemblez, Delaisseront leur simulté secrette : Brucelle & Dolle par Langres accablez, Pour à Malignes executer leur peste. 6.83 Celuy qu’aura tant d’honneur & caresses, A son entree de la Gaule Belgique. Un temps apres fera tant de rudesses, Et sera contre à la fleur tant bellique. CENTURIE VII 7.29 Le grand Duc d’Albe se viendra rebeller, A ses grands peres fera le tradiment: Le grand de Guise le viendra debeller, Captif mené & dressé monument. CENTURIE VIII 8.49 Satur au bœuf, ioüe en l'eau, Mars en fleiche, Six de Feurier mortalité donra, Ceux de Tardaigne à Bruge si grand breche, Qu'à Ponteroso chef Barbarin mourra. 8.63 Quand l’adultere blessé sans coup aura, Meurdry la femme & le fils par despit, Femme assommee l’enfant estranglera: Huict captifs prins, s’estouffer sans respit. 8.69 Aupres du ieune le vieux ange baisser, Et le viendra surmonter à la fin: Dix ans esgaux aux plus vieux rabaisser, De trois deux l’vn huictiesme seraphin. CENTURIE IX 9.18 Le lys Dauffois portera dans Nansi, Iusques en Flandres electeur de l’Empire Neufve obturee au grand Montmorency, Hors lieux prouvez delivre à clere peyne. 9.40 Pres de Quintin dans la forest bourlis, Dans l’Abaye seront Flamens tranchés: Les deux puisnais de coups my estourdis, Suitte oppressee & gardes tous achés. 9.49 Gand & Bruceles marcheront contre Anvers, Senat de Londres mettront à mort leur Roy. Le sel & vin luy seront à l’envers, Pour eux avoir le regne en desarroy. 9.59 A la Ferté prendra la Vidame, Nicol tenu rouge qu’auoit produit la vie: La grand Loyse naistra que fera clame, Donnant Bourgongne à Bretons par enuie. 9.89 Sept ans sera Philipp. fortune prospere, Rabaissera des Arabes l’effort, Puis son midy perplex rebors affaire Ieune ognion abismera son fort. CENTURIE X 10.31 Le sainct Empire viendra en Germanie Ismaëlites trouveront lieux ouverts, Asnes voudront aussi la Carmanie Les soustenans de terre tous couverts. 10.50 La Meuse au iour terre de Luxembourg, Descouurira Saturne & trois en lurne: Montaigne & pleine, ville cité & bourg, Lorrain deluge, trahison par grand hurne 10.52 Au lieu où Laye & Scelde se marient, Seront les nopces de long temps maniees : Au lieu d'Anvers où la crappe charient, Ieune viellesse consorte intaminee. 10.54 Nee en ce monde par concubine fertive, A deux haut mise par les tristes nouvelles, Entre ennemis sera prinse captive, Et amenee à Malings & Bruxelles. 10.62 Pres de Sorbin pour assaillir Ongrie, L’heraut de Bruges les viendra advertir: Chef Bisantin, Sallon de Sclavonie, A loy d’Arabes les viendra convertir. 10.72 L’an mil neuf cens nonante neuf sept mois, Du ciel viendra un grand Roy d’effrayeur: Resusciter le grand Roy d’Angolmois, Avant apres Mars regner par bonheur. 10.83 De batailler ne sera donné signe, Du parc seront contraints de sortir hors: De Gand l’entour sera cogneu l’enseigne, Qui fera mettre de tous les siens à morts.